شه‌فه‌ق نيوز/ ليوا ئه‌حمه‌د مسمارى قسه‌كه‌ر وه‌ناو سوپاى نيشتمانى ليبى، ئاشكراى ليستيگ كرد ك خه‌ته‌رناكترين و ديارترين كه‌سه‌يليگ داواكارياێ تيرۆريستى گرته‌سه خوه‌ى و له‌ليان يه‌كيگ بويه له عراق و تومه‌تباره وه كوشتن دبلۆماتكاريگ ئه‌مريكى له عراق.
مسمارى له كۆنگريه‌گ رووژنامه‌گه‌رى وت: ئه‌و ليسته ناو "خالد نسرات" گرته‌سه خوه‌ى ك ناسرياگه وه ئه‌بو ئه‌ليه‌قزان و سه‌ر وه ميليشياى جه‌ماعه‌ت ليبى بويه‌و تومه‌تباره وه پشتگيرى له ريكخرياگ ئه‌لقاعيده‌ى تيرۆريستى و رۆڵ داشتگه له په‌لاماره‌گه‌ى مانشستر ئه‌رينا له 2017 ك له‌تى 23 كه‌س كوشيان و نزيكه‌ى 119 كه‌سيش زه‌خمدار بوين له بريتانيا.
مسمارى هه‌ميش وت: ليسته‌گه ناو "به‌شير ئه‌لفه‌قى"يش گرته‌سه خوه‌ى ك ناسرياگه وه ئه‌بو عه‌بدولره‌حمان ئه‌لفه‌قى و سه‌ر وه ريكخرياگ ئه‌لقاعيده بويه‌و مير ريكخرياگ جه‌ماعه‌ت جه‌نگكه‌ر بويه له ليبيا و يه‌يش ده‌رخست ك ليسته‌گه ناو " خالد ئه‌بو قاسم معمارى"يش گره‌سه خوه‌ى سه‌ر وه ريكخرياگ ئه‌لقاعيده ك جه‌نگاوه‌ريگ وه‌رين بويه له عراق و تومه‌تباره وه كوشتن باڵيۆز ئه‌مريكى له به‌نغازى.