شەفەق نیوز/ سندوق گلەوداین پویل عراق، ئمڕوو چوارشەممە، گلەوداین نزیکەی هەفت ملیۆن دینار ئەرا گەنجینەی دەوڵەت راگەیان، وەگەرد زیاتر لە ٣٠٠ دۆنم لە زەوی کشتوکاڵی و سێ عقار لەماوەی ئی ساڵە.
جیگر سەرۆک ئەنجومەن وەڕەوبردن سندوقەگە، ئەیمەن داود سەلمان لە بەیاننامەیگ وت: سندوقەگە لەماوەی ئی ساڵە، توەنست ئاشکرای هەشمارەیل حەرەس جمهوری بکەێد کە رەسێدە (4,386,303,138) دينار، وبر (1,918,486) دۆلار ئەمریکی، کە (2,267,645,000) دينار کەێد لە هەشمار کۆمپانیای گشتی کڕ ئاسن - پڕۆژەیل پلان، لە بانک رافدەین، و توەنست ئەو پویلە ئەرا هەشمار وەزارەت دارایی لەلای بەنک ناوەندی گلەو بەێد.
وتیش؛ لە بنەمای یاسای دەسناین وەبان پویل و دارایی دارودەسەیل رژیم سەدام، و دویای وەشوینکەفتن و گردەوکردن زانیاری لەبان زەویلەیل کشتوکاڵی کە هیمان وەناو دارودەسەیل رژیم وەرین نویسیاس، دەسنریا وەبان پارچە زەوییگ کشتوکاڵی رووبەری رەسێدە (300) دۆنم وەناو (عەلی حەسەن مەجيد) و برایلی لە پارێزگای کەرکوک- قەزای حەویجە لە پارێزگای كەركوك - قەزای حەويجە – ناحيەی مولتەقا، وتیش: دووارە وەناو وەزارەت دارایی توومار کریا.
سەلمان وتیش: ئاشکاری کاریگ ساختەکاری و فرووشتن سێ ماڵ لە ناوچەی مەنسوور لە بەغداد ئاشکرا کریا، هن سەرۆک ئەرکان سوپا لە رژیم وەرین (حسێن رەشید تکریتی) وتیش: ئەو ماڵەیلە کە رووبەریان رەسێدە (2210 م2) ڕەرا وەزارەت دارایی گلەو دریا، و خاوەن کەموکوڵیەیل هەواڵەی دەس دەسەی دەسپاکی کریان، دیاری کرد کە وەزارەت دارایی عقاریگ وە رووبەری رەسێدە ٥ دۆنم وەناو (عەبدولفەتاح محمد ئەمین) ئەندام قیادەی قوتری سەدام گلەو دریا.
دووپات کرد کە گلەوداین ئەو ماڵەیلە لە بنەمای یاسای شمارە (72 ئەرا ساڵ 2017) جیوەجی کریا.