شەفەق نیوز/ سەرچەوەیگ ئەمنی لە پارێزگای بەسڕە، ئمڕوو چوارشەممە، خەوەردا چەکدارەیل نەناسریایگ تەقە لە دەرمانخانەیگ کردنە لە ناوڕاس پارێزگاگە و دوو هاوڵاتی زەخمدارکردنە.
سەرچەوەگە وە ئاژانس شەفەق نیوز وت "کەسەیل نەناسریایگ تەقە لە دوو کەس کردنە کە لەناو دەرمانخانەگە بوینە لە ناوچەی ئەمن ناوخوەی لە بەسڕە و تویش زەخمداری رخبەریگیان کردنە، و ئەرا شوین نادیاریگ واینە.
سەرچەوەگە وتیش، " لە لێکۆڵینەوەیل ئەمنی ئەرا رویداوەگە دەرچگە پەلامارەگە لەوەر (راچیتیگ دەرمان) بویە لە وەرین وەلایەن دەرمانخانەگە دریاس وە یەکیگ لەو پەلاماردەرەیلە".