شەفەق نیوز/ وەرێوەبەرایەتی بەرەنگاربوین ماددەی هووشبەر لە هەرێم کوردستان، ئمڕوو سێشەممە، دەسگیرکردن دوو توومەتبار بازرگانیکردن وە مادەی هووشبەر و هەڵگردن بڕیگ کریستاڵ راگەیان، هاووەخت هیزیگ دەزگای دژەتیرۆر توەنستن مادەی هووشبەر دەسگیربکەن لە پارێزگای واست. وەڕێوەبەرایەتیەگە لە بەیاننامەیگ رەسیە ئاژانس شەفەق نیوز وت: دویای وەرگردن بڕیاریگ لە دادوەر لێکۆڵینەوەی ئاسایش، تیمەیل وەڕێوەبەرایەتی دژوە ماددە هووشبەرەیل توەنستن وە پلانیگ توکمە، دوو توومەتبار خوڵک قەزای قەڵادزێ دەسگیر بکەن.
وتیش: مەوقەی دەسگیرکردن توومەتبارەیل پەنج کیلۆ مادەی هووشبەری لەلایان پەیا کریایە، کە نیاز داشتنە بوەنەی ئەرا شار هەولێر.
دیاری کرد کە پەڕاوی لێکۆڵینەوە لە دژ توومەتبارەیل واز کریا، و وە گورەی یاسای دژە ماددە هووشبەرەیل و ماددە دەروینییەیل کەفنە دادکاری.
بیجگە لەوەش، دەزگای دژە تیرۆر فیدراڵی، لە بەیاننامەیگ کە رەسیە ئاژانس شەفەق نیوز وت: بازرگانیگ مادەی هووشبەری لە پارێزگای واست، وە پشتبەسین وە زانیارییەیل وەڕێوەبەرایەتی دژە ماددەی هووشبەر لە واست دەسگیر کریا.