شەفەق نیوز/ سەرۆک لیژنەی ئاسایش و وەرگیری لە پەرلەمان عراق کەریم عەلێوی ئەلمحەمەداوی، ئمڕوو شەممە، ئاشکەرایکرد، لیژنەیگ هاوبەش دروسکرێد ئەرا لێکۆڵینەوەکردن لە زەخمداریبوین ژنیگ عراقی لە ناوچەی خەزرا وە گولەی بایلۆزخانەی ئەمریکا.
محەمەداوی لە بەیاننامەیگ رەسیە ئاژانس شەفەق نیوز وت، "بایلۆزخانەی ئەمریکا وەشیوەی ئاشکەرا ماف مرۆڤ پێشەلکردیە لەدویای ئەوەگ ژنیگ عراقی وە گولە زخمدارکریا لە وەخت نمازکردن".
دووپاتکرد "ئیەفرە مەترسیدارە و وە پێشلکاری ماف هاوڵاتیەیل دانرێد" دیاریکرد "لیژنەی وەرگیری پەرلەمانی کارکەد ئەرا وانن ئێ پێشلکاریەیلە لەری دروسکردن لیژنەیگ لێکۆڵینەوە ئەرا لێکۆڵینەوەکردن لەێ پێشلکاری لە سەروەری عراق و بیوەیی هاوڵاتیەیل".