شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە کوشیان ژنیگ لەوەر ئەوە  سکاڵایگ دادوەری توومار کردیە لە میسان.   

سەرچەوەگە ئەرا ئاژانس شەفەق نیوز وت: ژنیگ وەدەس سێ چەکدار لە پارێزگای میسان باشوور عراق کوشیا.  

سەرچەوەگە وتیش: ئەو ژنە کوشیایە چوینکە سکاڵایگ دادوەری لەبان کەسەیلیگ توومار کردیە ک وەرجەیە کوڕەگەی کوشتنە.  

هەمیش لە باشوور عراق،  لە پارێزگای بەسرە، گەنجیگ ٢٠ ساڵان خوەی لە بەرزی بینایگ لر قەزای زوبێر خستە خوار.  

وتیش: هیزە ئەمنیەیلە توەنستن ئەو گەنجە وە خەسەخانەی گشتی زوبێر بڕەسنن، وتیش: تەندروسی گەنجەگە ئارام نییە، ک زیان لە شکیان گشت لەشی دیرێد.   

وتیش: تا ئیرنگە ئەوە نەزانیاگە ک ئەڕا ئەو گەنجە خوازیە خوەی بکوشێد.