شەفەق نیوز/ سەرچەوەیگ خۆجێی لە سەڵاحەدین، ئمڕوو شەممە، خەوەردا لە کوشتن ژنیگ لە ناحیەی یەسرب، وەشیوەی نادیاریگ.
سەرچەوەگە ئەرا ئاژانس شەفەق نیوز وت: ژنیگ وەگولەی براگەی لەناو باخچەی ماڵەگەی لە ناحیەی یەسریب لە پارێزگای سەڵاحەدین کوشیا.
سەرچەوەگە دیاری کرد ک تا ئیسە هووکارەیل کوشتنەگە ئاشکرا نەکریانە، وتیش: ژنەگە داڵگ هەفت مناڵە وئەوسا لەناو کامپەیل ئاوارەیی لە سلێمانی بویە، وەرجە ماوەیگ ئەرا ناحیەگە هاتیەسەو.
هەرلیوا، وەچەودیەیلیگ باس پەیاکردن تەرم گەنجیگ لەناو ماڵەگەی خوەی لە گەڕەک باروتخانە لە شار کەرکوک کردن.
وەچەودیەیلە وتن: گەنجەگە خاوەن ژن و مناڵە، ولە رووژ سێشەممەی گوزەیشتەو نەمەنیەسەی، تا لەناو ماڵەگەی خوەی پەیای تەرمەگەی ک ملی بڕیاگە کریا، وهەمیش شوین گولە وەپیەو بوی، لەوەختیگ ژن ومناڵەگەی لەماڵ نیین.