شەفەق نیوز/ وەڕێوبەرایەتی پۆلیس هەولێر، رووژ شەممە، راگەیان دەسوەشانن خەڵکەگە لە کاوە عەبدولقادر ئەندام پەرلەمان کوردستان لە مەوقەی چگنی ئەرا بازاڕ وهاندان کاسبکارەگان و مەدەنیەگان ئەرا خۆپیشاندان.
پۆلیسەگە لە بەیاننامەیگ رەسیە ئاژانس شەفەق نیوز وت: کاوە عەبدولقادر ئەندام پەرلەمان کوردستان چگە ناو بازاڕەگە وهان مەردمەگە دا ئەرا خۆپیشاندان، وەلی کەفتە وەر دەسوەشانن لەخەڵکەگە، و لەلایەن کاسبکار و مەدەنیەگان ناو بازاڕەگە، و خوازین زیان وەپی بڕەسنن، و لەی مەوقە پۆلیس ئەرک خوەی وەجیهاورد، وتوێنست رزگاری لە دەس مەردمەگە بکەێد، ونەهیشتەی زیان بوینێد.
بەیاننامەگە وتیش؛ خەوەر دروکینەگان وشافە ناڕاسەگان رەت کەێمن، ک بویە باسیگ فراوان و ئەوە هەڵوەسان ک ئەو پەلەمانتارە لەلایەن هێزەیل پۆلیس ئەشکەنجە دریاگە، وتیش ئەویگ لەباوەت ئەشکەنجە هەڵوەسیەێد وە هیچ شیوەیگ راس نیە.
ئاماژەیە ک کاوە عەبدولقادر ئەندام پەرلەمان هەرێم لە جوولانەوەی نەوەی نوێ وەسەرپەرشتی شاسوار عەبدولواحید لە بان ماڵپەڕەیل پەیوەندیە کۆمەڵایەتیەگان وێنەیلیگ بڵاوکرد ک دریاگە لە پشتی وئەشکنجە دریاگە، گوایە پۆلیس ئەو کارە کردگە لەوەختیگ خوەی لەلای قاوەخانەی مچکۆ بویە.