شەفەق نیوز/ فەرماندەی پۆلیس پارێزگای نەینەوا، ئمڕوو چوارشەممە، راگەیان لە تەقین تەقەمەنییگ لە جیماگەی ریخریاگ داعش لەبان ماشینیگ سەروە نەتەوە یەکگرتوەگان لە باکوور شار مووسڵ.
فەرماندەگە لە بەیاننامەیگ رەسیە ئاژانس شەفەق نیوز دیاریکرد ک تەقینەوەیگ لە جیماگەیل داعش لە کنار ریەگەی ''مووسڵ- هەولێر'' دانریاوید لە نزیک ئاوای شاقولی سەروە ناحیەی بەرتلە لە باکوور شار مووسڵ تەقیە بان ماشینیگ سەروە رێکخراو UN.
بەیاننامەگە ئاماژەده؛ ئەو تەقینەوە ک وەڕەنگ سوور نشانە کریاگە گردەو کریاگە و نشانەکریاگە لە لایەن رێکخراوەیل لاوردن مین لە سەرەتای ئازادکردنەگە.
بەیاننامەگە هەمیش وت: شۆفێرەگە لە کنار ریەگە لە بەشە خاکینەگە وسیا و لە ماشینەگەی داوەزیا لەو ناوچەی قەیەغە ک نشانە کریاگە، ک لەورا تەقینەوەگە بوی و شۆفیرەگە زەخمداربوی، وهاوڕییەگانی ئەرا خەسەخانە بردنەی، وهەمیش ماشینەگە زەرەدمەن بوی.