شەفەق نیوز/ سەرچەوەیگ ئەمنی لە پارێزگای ئەنبار، ئمڕوو دووشەممە، خەوەردا ک شەش مناڵ لەناو ئاو فورات نقوم بوین، دویای تەقەلایان ئەرا رزگارکردن دویەتیگ لە نقومبوین، و چەم دیجلەیش لە پارێزگای سەڵاحەدین دوو گەنج قویت دا، و پۆلیس دیوانیە تەرم گەنجیگ پەیا کرد وەرجە سێ رووژ نقوم بویە.
سەرچەوەگە ئەرا ئاژانس شەفەق نیوز وت: دویەتیگ لە ناوچەی نعێمیە، باشوور قەزای فەلوجە لەناو چەم فورات نقوم بوی، و بڕیگ لە مناڵەیل نزیکی خوەیان خستنە چەمەگە تا رزگاری بکەن.
سەرچەوەگە وتیش: پۆلیس ئاوی تەرم بەشیگ لەلیان پەیا کرد، و هیمان مینەی ئەوەکان کەێد.
لە پارێزگای سەڵاحەدین، سەرچەوەیگ ئەمنی ئەرا ئاژانس شەفەق نیوز وت: دوو گەنج خەڵک دەورگرد شار سامەڕا، لەناو چەم دیجلە لە جەژن رەمەزان مەلەوانی کردن، باوجی لەناو ئاوەگە نقوم بوین.
و دیاری کرد ک پۆلیس ئاوی و خەڵکەگە هیمان مینەی ئەو دوو گەنچە کەن ک ئاوەگە بردەیان و نیەزانن شوینیان کەفتە کوو.
سەرچەوەیگ ئەمنی لە دیوانیە ئەرا ئاژانس شەفەق نیوز وت: پۊلیس تەرم گەنجیگ پەیا کرد لە چەم شامیە لە پارێزگای دیوانیە نقوم بوی، و دویای سێ رووژ تەرمەگەی لەبان ئاوەگە پەیا کریا.