شەفەق نیوز/ خالد بەتال نەجم وەزیر پلانسازی، ئمڕوو پەنجشەممە، دووپاتکرد ک عراق هەژمارکردن دانیشتوەیل وەگورەی بنەمایل زانستی توکمەیگ خوازێد، تا بڕ گەپی لە وڵاتەگە بزانیمن.
بەتال لە کۆنگرەیگ رۆژنامەوانی هاوبەشیگ وەگەرد دارا رەشید وەزیر پلانسازی هەرێم کوردستان لە هەولێر، ئمڕوو، وت: مەزەنە ئەرا هەژمار دانیشتوەیل لە عراق هەس، و ئیسە لە ٤٠ مەلیۆن و چەن سەدیگ رەد کردگە.
وتیش؛ ئیمە لەی وەختە هایمنە فتراق زانستن ژمارەی ماڵەگان و ماشینەیل کرا و ژمارەی ئەوانەگ ئاو خواردن ئەرایان نەڕەسیە.
نەجم هەمیش وت؛ ئامار تەنیا ئەرا زانستن ژمارەی دانیشتوەگان نیە، بەڵکم ئەرا زانستن فرە لە ئەو لاگان تر ک تا ئیسە لە بنەمای زانستی وراسیگ نەکریاگە.