شەفەق نیوز/ سەرچەوەیلیگ لە پولیس، ئمڕوو جمعه، خەوەردان لە کوشیان و زەخمداری ١٠ کەس وە دوو رویداو هاتوچو لە دوو پارێزگای عراق.
سەرچەوەگە ئەرا ئاژانس شەفەق نیوز وت: چنار کەس وە رویداویگ هاتوچو دڵتەرۆن لە قەزای حەویجە سەروو پارێزگای کەرکوک زەخمدار بوین.
وتیش: رویداوەگە ناوەین ماشینیگ مارکەی کامری و ماتووڕسکڵیگ نزیک ئاوای سلێمان خوەرئاوای قەزای حەویجە لەوەر تەنی رانین، بویە هوکار زەخمداری راننکەی ماتورسکڵەگە، و سێ کەس لەناو ماشینەگە.
سەرچەوەگە وتیش: پولیس زەخمدارەیل ئەرا خەسەخانەی قەزای حەویجە برد و لێکۆڵینەوە لە رویداوەگە واز کرد.
لە ئەنبار، سەرچەوەیل خەوەردان لە کوشیان شەش کەس لە ئەنجام سزیان ماشینیان دویای رویداویگ هاتوچو وەگەرد تانکەریگ سزەمەنی لەبان ری سامەڕا و ئەنبار.