سەرچەوەگە ئەرا ئاژانس شەفەق نیوز وت: گەنجیگ خوار تەمەن بیس ساڵان لە چەم هۆڵەندی ناوڕاس شار ناسریە خنکیا، وتیش: هیزیگ ئەمنی توەنست تەرم حنکیایەگە درارێد، و ئەرا پزشک دادوەری کلی بکەێد، و کەسوکار قوربانیەگە داوای سکاڵا لەبان برادەریگ کردن کە وەگەردی بویە، و برادەرەگەی دەسگیر کریا.
سەرچەوەگە وتیش: هیزیگ ئەمنی تەرم گەنجیگ لەناو تەمەن بیس ساڵان لە چەم حلو باکوور شار ناسریە دراوردن، وتیش؛ تەرمەگە وە تەواوی شیەو بویە، و نەناسیاس.
لە پارێزگای نەجەف، سەرچەوەیگ ئەمنی خەوەردا دوو گەنج لەناو چەم کووفە ناوڕاس نەجەف خنکیانە، تەمەنیان خوار بیس ساڵانە، مەوقەی تەقەلای هووکاربوین مەلەوانی، کە یەکیگیان هاتیە ئاموزاگەی لە خنکیان قورتار بکەێد، و هەردوگیان خنکیان، و تەرمیان ئەرا پزشک دادوەری بریا.
سەرچەوەگە دیاری کرد کە گەنجیگ لەناو تەمەن بیس ساڵان، کەفتە وەر تەقەکردن و گولەی دوو کەس لە ناوچەی حەی نەفت ناوڕاس نەجەف، وتیش: قوربانیەگە هاتیە نواگیری ئەو کەسەیلە بکەێد لە دزیکردن ماتووڕسکڵیگ (سەتوتە) کە وەرە شوین نادیاریگ واینە، و تەرم گەنجەگە ئەرا پزشک دادوەری بریا.