سەرچەوەگە وەئاژانس شەفەق نیوز خەوەردا كە " دادگای تاوانەیل زیقار سزای 3 ساڵ زیندانیکردن ئەرا دزیگ دەرکرد توومەتبار کریاس وە دزین وایەرەیل کارەبایی ستوونەیل وەزارەت کارەبا لە شار ناسڕیە ناوەن پارێزگاگە"، وتیش " بڕیارەگە وەپشت بەسین وەپای بڕگەیل مادەی 444 لە یاسای سزادان عراقی شمارە 111 ساڵ 1969 دریاگە".

هەمیش لە زیقار ، هێزەیل ئەمنی توەنستنە دویەتیگ ئازاد بکەن دویای چەن ساعەتیگ لە رفیانی لە ناوڕاس شار ناسڕیە.

 سەرچەوەیگ ئەمنیتر وە ئاژانس شەفەق نیوز خەوەردا، " ژنیگ پەنجا ساڵان تویش رویداو رفانن بویە وەبان دەس چەن کەسیگ لەناوچەی کویچەی تەزحیە ناوڕاس شار ناسڕیە".

وتیش، "  دەسوەجی کارکردنئەمنی پێکهاوریا، توەنستنە شوین رفانەگە پەیابکەن، لەو شوین رویداوەگە رویوەروی بوین رویدا و رفێنەرەیلیش دەسگیرکریان و کەرەستەیل مەواد هوشبەر  کیشانوەپیان بویە".

هەمیش لەو چوارچمگە؛  فەرماندەیی پۆلیس پارێزگای واست دەسگیرکردن رانندەیگ راگەیان کە وە سارخوەشی ئەفسەر گەپیگ تلانیە.

فەرماندەییەگە لە بەیاننامەیگ رەسیە ئاژانس شەفەق نیوز وت، "

دەوریەیل بەش پۆلیس فریادڕەسین وە فەرمان وەڕیوبەر بەشەگە  توومەتبار سەرخوەشیگ دەسگیرکردن کە وە ماشین عەقید ئەحمەد حەمید عوقابی تلانیە  و وایە کە ئەندام بوی  لە هەواڵگێری و دژەتیرۆر واست لەبان ری کوت - بەغدا لەئەنجام  بویەسە مدوو مردنی.

لە بەیاننامەگە وتیش، رێکارەیل یاسایی وەرانوەر توومەتبار گیریەێد  ئەرا ناوەنیگ تایوەت کلکریا تا سزای دادپەروەرانەیگ وەربگرێد.