شەفەق نیوز/ سەندیکای پزیشکەیل و دەرمانخانە و لایەنەیل پەیوەندیداریان، ئمڕوو سێشەممە، راگەیان، دووارە نۆرینگە و دەرمانخانەیلە وازەوکریەن لەدویای ئەوگ لە گوزەشته مانگردوین لەبان تیرۆر کردنەگەی دکتۆریگ وە ناوبانگ لە دیالە.
پەیامنێر ئاژانس شەفەق نیوز لە دیالە وت، سەندیکای پزیشک و دەرمانخانەیل لەوەر پاڵنەرەیل مرۆیی لە پارێزگاگە بڕیاردان لە دوارە وازکردن نۆڕینگەیل تایبەت دەرمانخانەیل ک بارودۆخ تەندروسی پارێزگاگە هەوەجە وەپی دیرێد.
پەیامنێرمان راگەیان، بەسیان و مانگردنەیل لەدویای دڵنیاییکردن وە لایەن حکومەت کۆتایی وەپی هات وە ئاشکەراکرد ئەوانەگ دەس دیرن لە تیرۆرکردنەگەی دکتۆریگ دڵ وەناوبانگ ئەحمەد تەڵاڵ مەدفەعی وەلایەن کەسەیل نەناسریایگ.