شەفەق نیوز/ سەرچەوەیگ ئەمنی لە پارێزگای دیالە، مڕوو سێشەممە، خەوەردا لە مردن ئەندامیگ ئەمنی لە مەرافیگ چەکداری، و گەنجیگ وە شۆرت کارەبایی گیا لە دەسدایە یە سێیەم رویداوە لەماوای هەفتەیگ لە پارێزگاگە توومارکریەێد.
سەرچەوەگە وە ئاژانس شەفەق نیوز وت، ئەندامیگ ئەمنی کوشیایە لەوەر گرفتیگ لە مەوقەی ماشین فروشتن رەسیەس وە مەرافیگ چەکداری ک بویەسە هووکار زەخمداری و دەسوەجی گیان لەدەسدایە لە دەوروبەر ناحیەی مەندەلی.
وتیش، هیزەیل ئەمنی لە شوین رویداوەگە ئامادە بوینە و لێکۆلینەوە لە رویداوەگە دەسوەپی کردنە لایەنەیل تاوانبار و هووکار گرفتەگەیش دەسگیرکردنە.
لەلایگتر سەرچەوەیگ وە ئاژانس شەفەق نیوز وت، گەنجیگ وە شۆرت کارەبایی لەناو ماڵ خوەی لە ناحیە مەنسوریە گیانی لەدەسدایە.
وتیش" تەرم گەنجەگە ئەرا پزیشک دادوەری کلکریاس دەسڵاتدارەیل ئەمنی لێکۆڵینەوە لە روداوەگە دەسوەپی کردنە. باس کرد یە سێیەم رویداو لەی جویرەس لە ماوەی هەفتەیگ لە دیالە.