شه‌فه‌ق نيوز/ ساڵح حسێن سه‌رۆك ماڵ ئێزيدى له عراق، باس له‌وه كرد كه‌سه‌يليگ له ئيمارات و سعوديه و ئوردن ئافره‌ته‌يل رفياێ ئێزيدى له ركخرياگ تيرۆريستى داعش سه‌ندنه ك زويتر له عراق رفيانه.
حسێن جوور ئه‌وه‌گ قودس ئه‌لعه‌ره‌بى ئاماژه وه‌پى كردگه، وت: شماره‌يگ له ئيماراتيه‌يل و سعوديه‌يل و ئوردنيه‌يل ئه‌و ئافره‌ته‌يل رفيايه له ريكخرياگ داعش له سوريا سه‌ندنه وه پويل فريه‌يگ و داوايش له حكومه‌ت عراق و وه‌زاره‌ت خارجيه‌ى عراقى كرد بگه‌رديده شوون ئه‌و ئافره‌ته‌يل ئيزيديه ك بازرگانى وه‌پيانه‌و كرياگه‌و باريده‌يانه‌و ئه‌را عراق.
جى باسه، يه‌يش له‌وه‌ختيگه زويتر له راپۆرتيگ ئه‌وه ده‌ركه‌فت ك ريكخرياگ تيرۆريستى داعش ئافره‌ته رفياگه‌يل ئێزيدى و مناڵه‌يليان وه پويل فروشتنه‌و ره‌سيه‌سه 20 هه‌زار دۆلار، ئه‌ويش دوياى ئه‌وه‌گ داعش قه‌زاى شه‌نگاڵ و ئاوايه‌يل روژئاواى موسڵ له ئاب 2014 داگير كرد.