شه‌فه‌ق نيوز/ حه‌سه‌ن كه‌عبى جێگر يه‌كه‌م سه‌رۆك ئه‌نجومه‌ن نوێنه‌ره‌يل، جواو به‌ياننامه‌ى باڵيۆزخانه‌ى ئه‌مريكى داره‌و له‌باره‌ى روێداگه‌يل شار نه‌جه‌ف.
كه‌عبى له به‌ياننامه‌يگ ئه‌را شه‌فه‌ق نيوز و له جواويگ ئه‌را به‌ياننامه‌گه‌ى باليۆزخانه‌ى ئه‌مريكى وت: كاروبار عراق بيلنه لاى خود عراقيه‌يل و ده‌س بكه‌نه ته‌واوكردن ئاماده‌كارى ته‌واويگ ئه‌را ده‌ركردن هيزه‌يلدان له وڵاته‌گه وه زويترين وه‌خت.
جى باسه، يه‌يش له‌وه‌ختيگه باڵيۆزخانه‌ى وڵاته‌يل يه‌كگرتگ له به‌غدا، وه تونى ئه‌و په‌لاماره ئدانه كرد ك له شار نه‌جه‌ف ئه‌نجام درياو وه دڕندانه تاريفى كرد ك له‌تى 11 خوه‌ينيشانده‌ر كوشيان و زياتر له 120 كه‌س تر زه‌خمدار بوين.