شه‌فه‌ق نيوز/ وه‌رپرسيگ له ئداره‌ى سه‌رچه‌وه‌ى نه‌فتى ناسريه له پاريزگاى زيقار له باشوور عراق ئاشكراى ئه‌وه كرد كاركردن له سه‌رچه‌وه‌ى ناوبرياێ دوياى وسيانى ئه‌را ماوه‌ى رووژيگ له‌لايه‌ن خوه‌ينيشانده‌ره‌يل تويڕه‌وه ده‌س وه‌پيكردگه.
زويتريش عاسم جيهاد قسه‌كه‌ر وه‌ناو وه‌زاره‌ت نه‌فت وت: به‌رهه‌م سه‌رچه‌وه نه‌فتيه‌گه رووژانه ها ناونى(80 - 85) هه‌زار به‌رميل و خه‌ريكه په‌ره زياتر وه‌پى ئه‌دريه‌ێد له‌لايه‌ن مه‌لاكه‌يل كه‌رت نه‌فتى له كۆمپانياى نه‌فت زيقار و لايه‌نه‌يل پشتگيرى.
جيهاد يه‌يش ده‌رخست ك وه‌زاره‌ته‌گه وه رينمايى سامر غه‌زبان جيگر سه‌رۆك وه‌زيه‌ره‌يل ئه‌را كاروبار وزه زياتر له هه‌زار ده‌رفه‌ت كار ئه‌را مه‌ردم پاريزگاگه له ده‌رچگه‌يل بيكار دابين كردگه وه هه‌ماهه‌نگى وه‌ل ئداره‌ى پاريزگا.