شه‌فه‌ق نيوز/ ليژنه‌ى دارايى له په‌رله‌مان عراقى، ئاشكراى وجوود ناكووكى و ناڕه‌زايه‌تى كرد له‌بان پرووژه ياساى قه‌رزكردن له‌وه‌ر ته‌مويلكردن كورتهاوردن دارايى له بودجه‌ى عراقى.
له‌ى باوه‌ته‌و، مه‌حاسن حه‌مدان ئه‌ندام ليژنه‌گه ئه‌را ئاژانس شه‌فه‌ق نيوز وت: ليژنه‌ى دارايى دانيشتنيگ له‌وه‌ر يه‌كلاكردنه‌وه‌ى پرووژه ياساى قه‌رزكردن ناوخوه‌يى و ده‌ره‌كى له‌وه‌ر ته‌مويلكردن كورتهاوردن دارايى له بودجه‌ى عراقى ساز كردگه، باس له‌وه‌يش كرد تێبينيه‌يل فريه‌يگ هه‌س له‌بان ئه‌و پرووژه ياسا و ناكووكى و ناڕه‌زايه‌تى له‌لى كه‌فته‌سه‌و.
حه‌مدان هه‌ميش وت: راييگ هه‌س له په‌رله‌مان ئه‌را خواست وجود هووكاره‌يل پيشكه‌شكردن ئه‌را ئى قه‌رزه‌يله وه‌ل دياريكردن ئه‌و بڕه پويله ك لايه‌نه‌يل داواكارى له‌بانى پيشكه‌ش ئه‌كه‌ن، له هه‌مان وه‌خت وشدارييش دا له‌وه‌گ سڵاى ئى كاره وه وازكرياگى ئه‌را حكومه‌ت عراقى بيليه‌ێده‌و له هه‌ڵوژانن هه‌ر لايه‌نيگ يا هه‌ر بڕه داراييگ ك ئه‌خوازێده‌ى، چوينكه وه قسه‌ى حه‌مدان هيشتنه‌وه‌ى مه‌سه‌له‌ى قه‌رزكردن وه‌ده‌س حكومه‌ت عراقى كاريگه ره‌ته‌وكرياێ له‌لايه‌ن شماره‌يگ له ئه‌ندامه‌يل ليژنه‌ى دارايى.