شه‌فه‌ق نيوز/ حسێن عه‌ره‌ب ئه‌ندام په‌رله‌مان له‌بان هاوپه‌يمانى فه‌تح، جه‌خت له ناڕه‌حه‌تبوين مه‌رجه‌عيه‌ى ئايينى كرد له‌باره‌ى جيگير نه‌كردن ياساى هه‌ڵوژاردن له‌لايه‌ن په‌رله‌مانه‌و.
عه‌ره‌ب ئه‌را شه‌رقولئه‌وسه‌ت وت: مه‌رجه‌عيه ناڕه‌حه‌ته له جيگير نه‌كردن ياساى هه‌ڵوژاردنه‌يل و له هه‌مان وه‌خت ياسا ئه‌خوازێد له ده‌زگايه‌يلێ، ئه‌ويش له‌رێ ئاماژه‌كردن وه ئه‌وه‌گ ده‌نگده‌ر بايه‌سه له كانديدكرياێ نزيك بدێ و يه‌يش ماناى ده‌زگايه‌يل بويچگ پاريزگايه‌يله وه چه‌واشه‌ى ئه‌وه‌گ سياسيه‌يل ئه‌خوازنه‌ى.
عه‌ره‌ب وت: مه‌رجه‌عيه ئايينى جه‌خت له ئه‌نجامداين هه‌ڵوژاردنه‌يل پيشوه‌خته كردگه ك يه‌يش ئاماژه‌يگه ئه‌را ئه‌وه‌گ دامه‌زرانن حكومه‌تيگ وه‌هيز ئه‌خوازێد ك توانى كۆنترۆڵكردن بارودوخه‌گه له وڵاته‌گه داشتوود و بتويه‌نيد چه‌ك ته‌نيا له‌ده‌س ده‌وڵه‌ت بيلێد و ده‌زگايه‌يل راسكانى و بته‌ويگ بنيات بنه‌ێد.