شه‌فه‌ق نيوز/ هۆشيار عه‌بدوڵڵا ئه‌ندام ئه‌نجومه‌ن نوێنه‌ره‌يل عراقى وشدارى دا له‌وه‌گ پشت وه شماردن و جياكردنه‌وه‌ى ئه‌لكترۆنى بووه‌سيه‌ێد له ياساى هه‌ڵوژاردنه‌يل تازه دوياى ئه‌وه‌گ شكه‌ست له‌تى هاوريا له هه‌ڵوژاردنه‌يل گوزه‌يشت و باس له‌وه‌يش كرد ك پشت به‌سانن وه‌پى جوور دزيكردنه له ئيراده‌ى ملله‌ت و دوباره‌كردنه‌وه‌ى ساخته‌كاريه‌يل ك زويتر رويدا له هه‌ڵوژاردنه‌يل وه‌رين.
عه‌بدوڵڵا له به‌ياننامه‌يگ وت: ده‌وڵه‌ته‌يل فريه‌يگ هه‌ن مه‌سه‌له‌ى شماردن و جياكردنه‌وه‌ى ئه‌ڵكترۆنى لاوردنه‌و وه‌ده‌س ئه‌نجامى ئه‌يه‌ن له‌وه‌ر زه‌مانه‌تكردن پاكى و دادگه‌رى هه‌ڵوژاردنه‌يل.
جى باسه، عه‌بدوڵڵا هه‌ميش وت: ده‌نگ له‌بان شماردن و جياكردنه‌وه‌ى ئه‌لكترۆنى نايه‌يم و ئه‌گه‌ريش ئى بڕگه ئه‌نجام دريا له ياساى هه‌ڵوژاردنه‌يل ئه‌وه ناهه‌قييه‌و ره‌ته‌وكرياگه له‌لايه‌ن مه‌ردمه‌وه‌و بايه‌سه له‌بان جاده‌ى عراقى خوه‌ينيشانده‌ر وه‌گشت هيزيگه‌و داواى هه‌ڵوه‌شاننه‌وه‌ى ئى بڕگه بكه‌ن.