شەفەق نیوز/ سەرچەوەیگ ئەمنی لە دیالە، ئمڕوو جمعە، خەوەردا لە زەخمداری 3 کەس، و دەسگیرکردن 10 کەس ترەک، لە ئەنجام جەنگ و مرافەی کەسوکارەیلیگ باشوور خوەرئاوای شار بەعقووبە.
سەرچەوەگە ئەرا ئاژانس شەفەق نیوز وت: جەنگ و مرافەیگ دویەشەو کەفتە ناوەین ئامووزایلیگ لە ئاوای ئینتسار باکوور ناحیەی بەنی سەعد، کە بویە هوکار زەخمداری 3 کەس.
وتیش؛ هیزەیل ئەمنی رەسینە شوین رویداوەگە و 10 کەس لە جەنگکەرەیل دەسگیر کردن، وتیش؛ کوشیان لەی جەنگ و مرافە نەکەفت.
هەر ماوەی جاریگ، ناوچەیل دیالە، مرافە و وەردەوەردەی هووزانە لەناوی قومیەێد، چ لە کارەیلیگ کۆمەڵایەتی یا لەبان ماڵ زەوی.