شه‌فه‌ق نيوز/ حكومه‌ت عراقى، پيشوازى كرد له‌و ريككه‌فتنه ك سعوديه‌و روسيا له‌باره‌ى داوه‌زانن به‌رهه‌مهاوردن نه‌فت خام ئه‌نجامى دان و له هه‌مان وه‌خت وه سه‌ركه‌فتنيگيش ئه‌را ريكخرياگ ئۆپيگ تاريفى كرد.
له‌ى باوه‌ته‌و، مزهر محه‌مه‌د ساڵح راوێژكار سه‌رۆك وه‌زيره‌يل ئه‌را شه‌فه‌ق نيوز وت: ريككه‌فتن نه‌فتى له‌ناونى سعوديه و روسيا له‌چوارچيوه‌ى كه‌مه‌وكردن به‌رهه‌مهاوردن ئه‌را 10 مليۆن به‌رميل رووژانه له‌چوارچيوه‌ى ئۆپيك جوور سه‌ركه‌فتنيگه ئه‌را ريكخريايه‌گه دوياى داوه‌زين نرخ نه‌فت ئه‌را نزمترين ئاست.
جى باسه، ساڵح هه‌ميش وت: ئى ريككه‌فتنه گه‌شه ئه‌ياده بازاڕ جه‌هانى وه ئه‌وه‌گ وه‌شيوه‌ى گه‌ورايگ پشت وه نه‌فت به‌ساگه و پيشبينى يه‌يش كرد نرخ به‌رميليگ نه‌فت خام برينت بڕه‌سيده 45 - 50 دۆلار له ماوه‌ى رووژه‌يل ئاينده.