شه‌فه‌ق نيوز/ ئه‌ياد عه‌لاوى سه‌رۆك مه‌نبه‌ر عراقى، لێدوانه‌يل بنيامين نه‌تانياهۆ سه‌رۆك وه‌زيره‌يل ئسرائيل له‌باره‌ى چه‌سپانن سه‌روه‌رى له‌بان غۆر ئوردنى و باكوور ده‌رياى مردگ وه "ره‌فتاريگ دوشمنارانه" ناوبرد.
عه‌لاوى له تويتيگ ك شه‌فه‌ق نيوز ئاگادارێ بوێ، وت: ئوميده‌واريم لێدوانه‌يل نه‌تانياهۆ له‌باره‌ى چه‌سپانن سه‌روه‌رى له‌بان غۆر ئوردنى و باكوور ده‌رياى مردگ ته‌نيا دعايه‌يگ هه‌ڵوژاردن بدێ، ك هه‌رچه‌نى يه‌يش ره‌فتاريگ دوشمنكارانه‌س ئه‌را بان سه‌روه‌رێ ئوردن.
جى باسه، عه‌لاوى داوايش له كۆمه‌ڵگاى ناوده‌وڵه‌تى كرد دژ ئى لێدوانه بووسيه‌ن يا هه‌ر كرده‌وه‌يگ ك هه‌ڕه‌شه له ئاسايش و ئاشته‌وايى جه‌هانى بكا.