شه‌فه‌ق نيوز/ شانه‌ى ره‌سانن ئه‌منى، ئاشكراى ئه‌وه كرد پرووسه‌ى كوشتن ئه‌بو به‌كر به‌غدادى سه‌ركرده‌ى ريكخرياگ تيرۆريستى داعش له ئه‌نجام زانياريه‌يليگ ته‌واو له‌لايه‌ن ده‌زگاى هه‌واڵگيرى نيشتمانى عراقيه‌و بويه.
شانه‌ى ره‌سانن له به‌ياننامه‌يگ وت: دوياى چه‌وديرى ته‌واويگ و دامه‌زرانن تيميگ كار شاره‌زا و ئه‌را ماوه‌ى ساڵێگ ته‌واو، ده‌زگاى هه‌واڵگيرى نيشتمانى عراقى وه‌گووره‌ى زانياريه‌يل ته‌واويگ تويه‌نست ئه‌و شوونه ديارێ بكا ك ئه‌بو به‌كر به‌غدادى سه‌ركرده‌ى داعش و ياريده‌ده‌ره‌يلێ له‌تى خوه‌يان شاردنه‌سه‌و له پاريزاى ئيدلب له سورياو ك دوياتر هيزيگ ئه‌مريكى وه هه‌ماهه‌نگه وه‌ل ده‌زگاى هه‌واڵگيرى نيشتمانى عراقى پرووسه‌يگ سه‌ربازێ ئه‌نجام دانه‌و له‌تى به‌غدادى و ياريده‌ده‌ره‌يلێ كوشتنه و يه‌يش سه‌ركه‌فتنيگ تازه‌س له‌بان سه‌ركه‌فتنه‌يل تر هيزه‌يل ئه‌منيمان.
جى باسه، يه‌يش له‌وه‌ختيگه دۆناڵد تره‌مپ سه‌رۆك ئه‌مريكا كوشتن ئه‌بو به‌كر به‌غدادى سه‌ركرده‌ى ريكخرياگ داعش ئاشكرا كرد.