شه‌فه‌ق نيوز/ محه‌مه‌د عه‌لى ئه‌لحه‌كيم وه‌زير خارجيه‌ى عراقى، له په‌يوه‌ندييگ ته‌له‌فۆنى وه‌ل رياز مالكى هاوتا فلستينيه‌گه‌ى باس له ريه‌يل پته‌وكردن هاريكارى ناونى هه‌ردوگ وڵات و چه‌ن مه‌سه‌له‌يگ هه‌رێم كردن، وه‌تايبه‌ت دوايين رويداگه‌يل له ناوچه‌گه.
ئه‌لحه‌كيم له به‌ياننامه‌يگ ئه‌را شه‌فه‌ق نيوز، جه‌خت له‌وه كرد عراق پشتگيرى له كيشه‌يل فلستينى و خه‌بات ملله‌ت فلستين ئه‌كا ئه‌را وه‌ده‌سهاوردن مافه‌يل ره‌واى نيشتمانى و دامه‌زرانن ده‌وڵه‌تيگ سه‌روه‌خوه‌ى و پايته‌خته‌گه‌ێ قودس بدێ.
وه‌زير خارجيه‌ى عراقى، جه‌ختيش له‌وه كرد عراق هه‌ر بڕياريگ دژ خاكه‌يل فلستينى له به‌رژه‌وه‌ندى قه‌واره‌ى ئسرائيلى ره‌ته‌و ئه‌كاو داوايش كرد پابه‌ندێ بكريه‌ێد وه بڕياره‌يل ناوده‌وڵه‌تى و گرنگى ريڕه‌و سياسى ناونه‌ته‌وه‌يى، چوينكه له‌لاى گشت وڵاته‌يل جه‌هان په‌سه‌ن ئه‌كريه‌ێد.