شەفەق نیوز/ وه‌ڕێەوه‌به‌رایه‌تی گشتی هاتوچو عراق راگەیان، ئه‌نجومه‌ن وه‌زیران ره‌زامه‌نی نیشاندایە لەباوەت وسانن هاورده‌كردن ماتۆڕسكیل تا ماوەی نزیكه‌ی پەنج ساڵ.
عه‌مید محه‌مه‌د عه‌بدولكه‌ریم وه‌ڕێەوبه‌ر به‌ش یاسایی له وه‌ڕێەوبه‌رایه‌تی هاتوچو عراق راگەیان، یه‌كیگ له‌و پیشنیارەیلە ئاراسته‌ی ئه‌نجومه‌ن وه‌زیران كریاۊد، وسانن هاورده‌كردن ماتۆڕسكیل بۊ ئەرا ماوه‌ی 2 تا 5 ساڵ، ئیسەش ئه‌نجومه‌ن وه‌زیران وەشیوی سه‌ره‌تایی ره‌زامه‌نی خوەی نیشان دایە ک تا پەنج ساڵتر ری وه‌هاورده‌كردن ماتۆڕسكیل نه‌دریەێد.
وەگورەی قسەی شاره‌زایەیل مژار هاتوچو، لەوەر قه‌ره‌باڵغی له جادەیل و فرەیی شمارەی ماشین، ماتۆڕسكیل هه‌رچه‌ن كارئاسانی فرەیگ ئەرا گواستنه‌وه‌ی هاوڵاتیەیل کەێد، باوجی وه‌یه‌كیگ لە رخبەرترین هووکارەیل گواستنه‌وه دانریەێد ک له هه‌ر روداویگ، رخ مردن و زەخمداری قورس لەلی کەفێد.