شه‌فه‌ق نيوز/ ئاماريگ ك له‌لايه‌ن ناوه‌ند شيه‌وكردن ستراتيجى له زانكۆى ئوردنى بڵاو كريا، له‌تى ئه‌وه ده‌ركه‌فتگه ك نزيكه‌ى نيمه‌ى هه‌ردوگ ملله‌ت ئوردنى و سودانى هوير له كووچ كردنه‌و باسيش له ئاماژه‌يل ديموكراسى كرد له زياتر له ده‌وڵه‌ته‌يگ عه‌ره‌بى.
له‌و ئاماره باسيش له‌وه كرياگه ئوردن له يه‌كيگ له باڵاترين ئه‌و په‌نج ده‌وڵه‌ته‌يل عه‌ره‌بيه‌سه ك هاووڵاتيه‌يل باوه‌ريان ئه‌وه‌سه گه‌ناته‌كارى له‌تى وه ريژه‌ى 89% بڵاو بويه‌و باقى ئه‌و ريژه‌يل تر گه‌ناته‌كارييش له‌بان عراق و لوبنان و ليبيا و فلستين دابه‌ش بويه.
ئاماره‌گه يه‌يش ده‌رخست ك 71% له ئوردنيه‌يل جه‌خت له‌وه ئه‌گه‌ن ك روێ وه‌ڕوێ بوينه‌وه‌ى گرنگ ك تويش وڵاته‌گه‌يان ئه‌دێ ئه‌ويش بارودوخ ئابوريه له‌وه‌ختيگ ك ئوردنيه‌يل رازيين له‌بان ته‌رخانكردن كورسيه‌يليگ ئه‌را ژنه‌يل له پۆسته‌يل هه‌ڵوژرياێ ، يه‌يش له‌وه‌ختيگ سودان ها سه‌ر ليسته‌گه وه ريژه‌ى 79% و عراق وه پله‌ى 78% و جه‌زايريش وه كه‌مترين و وه‌ڕيژه‌ى 50%.