شه‌فه‌ق نيوز/ شانه‌ى ره‌سانن حكومى به‌ياننامه‌يگ هاوبه‌ش هه‌ردوگ وه‌زاره‌ت ناوخوه‌يى و ته‌ندروستى له‌باره‌ى خوه‌ينيشانداينه‌يل ئمڕوو بڵاو كرد.
ئه‌و به‌ياننامه ئه‌را شه‌فه‌ق نيوز، وت: له به‌غداى پايته‌خت و له چه‌ن پاريزگايگ خوه‌ينيشانداينه‌يل ناڕه‌زايه‌تى ده‌س وه‌پيكردگه و له‌تى داواى دابينكردن خزمه‌تگوزارى گشتى و ده‌رفه‌ت كار كرياگه.
به‌ياننامه‌گه وت: وه‌زاره‌ت ته‌ندروستى ئه‌وه ده‌رخست ك كارمه‌نده‌يلێ وه‌رده‌وامن له پيشكه‌شكردن چاره‌سه‌ر ئه‌را ئه‌و زه‌خمداره‌يله ك له‌لايه‌ن دامه‌زرياگه‌يليه‌و پيشوازى له‌ليان كرياگه و يه‌ك حاڵه‌ت مردن تۆمار كرياگه‌و شماره‌ى زه‌خمداره‌يليش ره‌سيه‌سه (200) كه‌س و (40) له‌ليان له كارمه‌نده‌يل ده‌زگايه‌يل ئه‌منيه.
جى باسه، به‌ياننامه‌گه يه‌يش ده‌رخست ك كارمه‌نده‌يل پزيشكى وه‌رده‌وامن له پيشكه‌شكردن چه‌وديرێ ته‌ندروستى ئه‌را باقى ئه‌و زه‌خمداره‌يله ك مه‌ندنه‌سه‌و له نه‌خوشخانه‌يل ك شماره‌يان (50) كه‌سه.