دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو پەنجشەممە، لە گشت وڵاتەگە نیمچە ئەورە، پلەی گەرمی لە بەشەیل ناوڕاس و باکوور جویر خوەی مینێد، و لە ناوچەی باشوور کەمیگ بەرزەو بوود.
بەیانامەگە وتیش: رووژ جمعە، لە ناوچەی ناوڕاس و باکوور نیمچە ئەورە و جاروباریش ئەور تەواوە، و لە ناوچەی باشوور رووشنە وەگەرد لەکە ئەور، و پلەی گەرمی لە گشت وڵاتەگە کەمیگ بەرزەو بوود.
وتیش: رووژ شەممە، لە گشت وڵاتەگە نیمچە ئەورە و جاروباریش ئەور تەواوە، وەگەرد پرشە وارانەیل جیاجیا، وەتایبەت لە بەشەیل خوەرئاوای وڵاتەگە، و پلەی گەرمی کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ یەکشەممەی ئایندە، لە ناوچەی ناوڕاس و باشوور نیمچە ئەورە وەگەرد دەرفەت نمە وارانیگ، و لە ناوچەی باکوور نیمچە ئەورە تا ئەور تەواوە، و پلەی گەرمی لە گشت وڵاتەگە نزیک رووژ وەرجە خوەیە.