شەفەق نیوز/ کۆمەڵەی مانگ سووڕ عراقی، ئمڕوو شەممە، راگەیان، زیاتر لە 15 تەن مادەیل خوەراکی پێداویستی ئەرا میسڕ کلکردنە تا ئەرا فەڵەستینیەیل کەرت غەززە کلبکرێد.
کۆمەڵەگە ئمڕوو لە بەیاننامەیگ وت، "تیمەیل مانگ سوور عراقی وە هاوکاری وەرد هێزەیل فرۆکەوانی عراقی، زیاتر لە 15 تەن مادەیل خوەراکی و پێداویستیەیلە وە لایەن حکومەت عراقەو ئەرا فرۆکەخانەی عەریش لە میسڕ بریایە جویر ئامادەکاری کلکردنی ئەرا مانگ سوور فەڵەستینی".
لە بەیاننامەگە وتیش "یە نۆیەم بارە لە مادەیل خوەراکی و دەسمیەتی ئەرا مانگ سوور میسڕی کلکرێد تا رادەس مانگ سوور فەلەستینی بکرێد لەری دەروازەی رەفەح".
لە بەیاننامەگە دووپاتکرد "تا ئیسە کومەکەیل وەردەوامن وەلایەن حکومەت عراقیەو لە ری ئاسمانی و دەریایەگان کە وەرد حکومەت میسڕی لەبانی رێککەفتنە لە ری رێککەفتن مانگ سوور عراقی وەرد هاوتا مسیڕی وفەلەستینیەیل".