سەرچەوەیگ ناوخوەیی لە بەغداد، وە ئاژانس شەفەق نیوز وت، دوو کەس مردنە و 4 کەسیش زەخمدارن وە سەختی لە ئەنجام لەیەکەوداین دوو ماشین لەناوچەی مەحمودیە باشوور خوەرئاوای پایتەخت.
سەرچەوەیگ پزیشکی لە کەرکوک، وە ئاژانس شەفەق نیوز خەوەردا، رویداویگ هاتوچوی لەبان ری کەرکوک ـ سلێمانی نزیک چەمچەمال سەر وە پارێزگای کەرکوک رویدایە، لە ئەنجام چوار مەدەنی گیان لەدەسدن، رویداوەگە لە ئەنجام کۆنترۆل دەرچگن ماشینەگە بویە لەوەر خێرایی بەرزیگ.
سەرچەوەیگ ترەک راگەیان، شوانیگ گیان لەدەسدا و 12 سەرە پەس لەناوچینلە ئەنجام رویداو تلانا وەلایەن ماشینیگ خێرا وەبان ری قەوسیات لە خوەرهەڵات موسڵ ناوەن پارێزگای نەینەوا.
لە موسەنا باشوور عراق، سەرچەوەیگ ئەمنی ەوەردا لە زەمداربوین چوار ئەندام لە لیوای لایەنگرەیل مەرجەعیەت/سەماوە لە ئەنجام پلیان ماشینیگ (ستارکس) لە ناوچەی سپایکەر لەدویای گلەوخواردنیان لە شار موسڵ.