شه‌فه‌ق نيوز/ ئه‌نجومه‌ن وه‌زيره‌يل دانيشتن ئاسايى خوه‌ى وه سه‌رۆكايه‌تى عادل عه‌بدولمه‌هدى سه‌رۆك وه‌زيره‌يل سازكرد.
له به‌ياننامه‌يگ حكومى ك شه‌فه‌ق نيوز ئاگادارى بوى، ئه‌وه ده‌ركه‌فت ك ئه‌نجومه‌ن وه‌زيره‌يل چه‌ن برياريگ ده‌ركردگه‌و له‌وانه‌يش بڕيار له‌باره‌ى وزه‌و سازكردن حزمه‌ت سه‌رچه‌وه‌ى مه‌نسوريه‌و ره‌زامه‌نييش نيشانداگه له‌بان پرووژه ياساى شه‌راكه‌ت له‌ناونى هه‌ردوگ كه‌رت گشتى و تايبه‌ت.
به‌ياننامه‌گه باس له‌وه‌يش كرد ك ئه‌نجومه‌ن ره‌زامه‌نييش له‌بان پرووژه‌ى دويرگرتن له دولايه‌نى باج و نواگيرى له هه‌يواين له داين باجه‌يل داگه ك فه‌رزه له‌بان ده‌خڵ و سه‌رمايه له‌ناونى حكومه‌ت كۆمار عراق و حكومه‌ت شانشين عه‌ره‌بى سعودى.
جى باسه، وه‌گووره‌ى به‌ياننامه‌گه ئه‌نجومه‌ن وه‌زيره‌يل ره‌زامه‌نييش ده‌رخستگه له‌بان خواسته‌يل پرووسه‌ى هه‌ڵوژاردنه‌يل ئه‌نجومه‌ن پاريزگايه‌يل ناپه‌يوه‌س وه هه‌رێم بيجگه بڕياريگيش له‌باره‌ى په‌ره‌داين وه ده‌روازه‌ى مه‌رزێ سه‌فوان.