دەزگای ئاسایش نیشتمانی لە بەیاننامەیگ رەسیە ئاژانس شەفەق نیوز وت: مەفرەزەیلی لە بنەمای زانیاری هەواڵگری هویرد، توەنستن ٢٧ توومەتبار وە بازرگانیکردن و هاوردن و بردن هوشبەری دەسگیر بکەن، ژنیگیش هاناویان یاداشت دەسگیرکردن دادوەری لەبانیان بویە لە پارێزگایل بەغداد و بابل و نەجەف و موسەنا و دیوانیە و ئەنبار، دووانیان ٢٨ دەنگ حەب کبتاکۆن وەپیان بویە، وەگەرد مادەیل هوشبەری و کەرەستەیل وەکارهاوردنی.

 لەلای خوەییش؛ ئاژانس هەواڵگری و لێکۆڵینەوەی فیدڕاڵی لە وەزارەت ناوخۆ لە بەیاننامەیگ وت: توەنستیە پەنج تیرۆرست لە ناوچەیلیگ جیاجیا لە پارێزگای بابل لەوەر لایەنگرییان ئەراک ریخریاگ داعش دەسگیر بکەێد.

 یەکیگ لە تیرۆرستەیل وەنازناو ئەبو کەرار ئاشکرا کرد ک بەشداری لە پەلامارەیل تیرۆری کردیە، یەکیگیان پەلامار  تەقانن بومبیگ دانریاگ لەبان دەوریەیگ لە بنکەی پولیس تەحریر لە باکوور بابل، ک بویە هوکار زەخمداری بڕیگ لە پولیس و کوشیان یەکیگیان.