شه‌فه‌ق نيوز/ كۆمپانياى گشتى پڕكردن و خزمه‌تگوزاريه‌يل غاز ئاشكراى پلان وه‌زارى كرد له به‌رزه‌وكردن ريژه‌ى وه‌به‌رهاوردن غاز شل له پرووسه‌ى به‌رهه‌م نه‌فتى ئه‌را 16 هه‌زار ته‌ن رووژانه له‌ماوه‌ى سێ ساڵ ئاينده، و جه‌ختيش له‌وه كرد به‌رهه‌م ئيسه ئه‌ڕه‌سێده 6 هه‌زار ته‌ن.
له‌ى باوه‌ته‌و، رووژنامه‌ى نيمچه فه‌رمى ئه‌لسه‌باح له زووان عه‌لى موسه‌وى وه‌ڕيه‌وبه‌ر گشتى كۆمپانياى ناوبرياێ وت: كۆمپانياگه له ماوه‌ى گوزه‌يشت كه‌ميگ سه‌ركه‌فتگه له وه‌ده‌سهاوردن باوه‌ڕنامه‌ى(ئايزۆ)له يه‌كيگ له كۆمپانيايه‌يل جه‌هانى تايبه‌ت وه‌ى بواره‌و ئى باوه‌ڕنامه‌يشه نيشانه‌يگه له‌بان خاسى و كار وه‌و پێوه‌ره‌يل جه‌هانى و يه‌يش خواست ئه‌را ئه‌وه‌گ كۆمپانياگه پشت وه‌پى بووه‌سێد له ئاسته‌يل تايبه‌تمه‌ندى جياجياى.
باس له‌وه‌يش كرد كۆمپانياگه له ماوه‌ى گوزه‌يشت چشته‌يل تازه‌يگيش زياێ كردگه، له‌وانه‌يش دامه‌زرانن سيسته‌مه‌يل غاز ئه‌را سه‌ياره‌يليگ ك وه سووته‌مه‌نى كار ئه‌كه‌ن له‌جياى به‌نزين و وه‌كارهاوردن غاز شل ئه‌را پرووژه‌يل پيشه‌سازى جوور كارخانه‌يل تابووق و كاره‌يل تر.