شەفەق نیوز/ پسپۆڕ کەشناسی سادق عەتیە، ئمڕوو سێشەممە، مەزەنەی تەواوبوین ئەو نائارامیە لە کەشوهەوای وڵاتەگە کرد، وەگەرد داوەزین کەمیگ لە پلەی گەرما هەرلە کۆتایی ئی هەفتە وەرەولا.

عەتیە لە پۆستیگ لەبان فەیسبووک نویسان: ئەو گلوپل کەشوهەوا ک نائارامی لە بەشیگ لە شارەیل دروس کرد، ئیسە کەفتیەسە باکوور دەریای سوور، و شەپوولە سەردەگەی وەرد شەپوول تەڕیگ تیکڵا بوود ک لە ئاو ئی دەریا تەکان دەێد.

دیاری کرد، ک سوو لە چەن شاریگ باشوور، وەتایبەت لە بەسرە واران وارێد وەگەرد گرموهڕ وتریشقە، هەمیش لە ناوچەیلیگ جیاجیا لە شارەیل فورات ناوڕاس و ئەنبار و باشوور نەینەوا.

عەتیە وتیش: ئی نائارامیە تا رووژ پەنجشەممەی ئایندە وەردەوام بوود، ئیجا کەشوهەوا ئارام بوود وەگەرد کەمیگ سەردی لە رووژ جمعە.