شەفەق نیوز/ بانک ناوەندی عراق، ئمڕوو سێشەممە، ئاشکرا کرد، چاپ نوو دراو ٢٥ هەزار دینار دەرکەیمن.

 مستەفا مەحموود، پارێزگار بانک ناوەندی عراق، ڕاگەیان: "ئێمە کار لەبان دەرکردن دراو نوییگ کەیمن، ک نرخەگەی 20 هەزار دینارە".

باس  ئەوەیش کرد: "دویای گفتوگۆکردن و وەخاتر هاوسەنگی وەرد خوازینەیل و هاوتاکردن وەگەرد وڵاتەیل هاوسا، و دویای تەواوکردن خوازینەیل، دەس کەیمن وە ڕاگەیانن دراوە تازەگە".

پارێزگار بانک ناوەندی عراق لە وتاریگ ئەرا میدیایل راگەیانن ببەغداد پایتەخت وت: "ئیمە ستراتیژییگ ئامادەکریای دیریمن، ک ئەرا ماوەی پەنج ساڵ ئامادەس، شایەت جیوەجیکردنی بکەفێدە دویا، لەوەر ئەو سەختیەیلە لە روی وڵاتەگە".

 مستەفا مەحموود وتیش: "بانک ناوەندی ئەرکیگ دیرێد لە جویلانن  ئابووری، و تەقەلای ئیمە هالە  جویلانن پڕۆژەیل و دەرفەت کار، وەتایبەت لە کەرت نیشتەجیبوین".