شەفەق نیوز/ ئیحسان عەبدولجەبار وەزیر دارایی وە جینشینی، ئمڕوو شەممە، راگەیان نزیکەی دوو و ونیم ملیار دۆلار لە پویل باج لە بانک رافیدەین حکومەتی دزیایە.

عەبدولجەبار ک ئیسە وەزیر نەفتە، لە پۆستیگ لەبان تویتەر نویسان: سەرۆک وەزیرەیل سوپاس ئەرای رەزامەنی لەبان داوای وەخشین لە ئەرکەیل وەزارەت دارایی وە جینشینی بوی.

وتیش: ئەنجام ئەو لێکۆڵینەوە ک رینمای دایمن دویای ئەرکدارکردنمان وە وەزارەتە، و چەسپانیانەیل فەرمی وە دزیکردن ٣،٧ تریلیۆن دینار عراقی (٢،٥ ملیار دۆلار) لە پویل باج بانک رافیدەین لەلایەن بڕیگ دیاری کریای.

عەبدولجەبار وتیش: لەلایەن وەزارەت دارایی دریا دەس لاینەیل پەیوەندیدار، و لەورا ئەرا دەسەی دارایی پەرلەمانی، ک وەفەرمی و راگیانن لەلیمان داوای کرد.

وەزیر نەفت وت: نەکەفتیمنە ژیر هویچ زووریگ یا داوای سەرانە نەکریاگە ئەرا نواگردمان لە جیوەجیکردن ئەرکمان لە مقەیەتیکردن دارایی گشتی.