شەفەق نیوز/ دەسەی کەشناسی پیشبینی کرد وڵاتەگە لە ماوەی دوو رووژ ئایندە کەشوهەوایگ لە مابەین نیمچەئەور و ئەور و واران وەگەرد ئاڵشتبۊن پلەی گەرمی دۊنێد وەخوەی.
دەسەگە لە بەیاننامیگ رەسیە ئاژانس شەفەق نیوز باسکرد؛ کەشوهەوای سوو پەنجشەممە لە گشت ناوچەیل وڵاتەگە ئەورە وەگەرد واران سوکیگ تا تونی ناوەنی بڕیگ جار گڕمەهر هاوەگەردی پلەی گەرما لە ناوچەیل باکور بەرزەو بوود و لە باشوور داوەزێد نزیکە لە رووژەگەی گوزەشتە لە ناوچەیل ناوراس وای باشور خوەرهەڵاتی سوکیگ تا خێرایی ناوەنیگ تیەێد تاقمەجاریگ رۊکردنی ئاڵشت کەێد.
دیاریکرد نزمترین پلەی گەرمی لە بەغدا رەسێدە 20 پلەی سەدی و بەرزترین 34 پلەی سەدی.
لە بەیاننامەگە وتیش، " کەشوهەوای جومعە لە گشت ناوچەیل وڵاتەگە نیمچە ئەورە تا ئەور وەگەرد واران تونی ناوەندیگ بڕیگجاریش تونەو بوود وەگەرد گڕمەهر، و پلەی گەرمی نزیکە لە رووژیگ وەرجە ئەوە، و وای باشوور خوەرهەڵات وەگەرد سوکیگ تا خێرایی مامناوەندیگ".