دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو یەکشەممەر نیمچە ئەورە تا ئەو تەواوە وەگەرد دەرفەت نمە وارانیگ، وەتایبەت لە بەشەیل خوەرئاوا لە ناوچەیل ناوڕاس و باشوور، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ دووشەممە، وەگشتی ئەورە، وەگەرد نمە وارانیگ وە شەو زیایەو بوود، و پلەی گەرمی لە ناوچەی باکوور و ناوڕاس چەن پلەیگ نزمەو بوود، و لە ناوچەی باشوور نزیک رووژ وەرجە خوەیە.
دیاری کرد کە رووژ سێشەممە، ئەورە وەگەرد وارانیگ جاروبار تریشقە بوود، و تەگر لە چەن شوینیگ وارێد، و پلەی گەرمی لە گشت وڵاتەگە چەن پلەیگ نزمەو بوود.
دەسەگە وتیش: کەشوهەوای وڵاتەگە ئەرا رووژ چوارشەممەی ئایندە، ئاسمان ئەورە وەگەرد وارانیگ جاروبار تریشقە وەگەردی بوود، و دەرفەت تەگر وارین لە چەن شوینیگ، و پلەی گەرمی لە گشت وڵاتەگە کەمیگ نزمەو بوود.