شەفەق نیوز/ دەسەی کەشناسی عراق، ئمڕوو دووشەممە، کەشوهەوای رووژەیل بانان راگەیان و مەزەنەی واران وارین کەێد.
لە بەیاننامەیگ دەسەگە رەسیە ئاژانس شەفەق نیوز راگەیان، " کەشوهەوای سوو سێشەممە لە ناوچەیل ناوڕاس و باشوور رووشنە و لەکە ئەورە، باوجی ئاسمان ناوچەیل باکوور ئەورە تا نیمەئەور، لەباوەت پلەی گەرمی نزیکە لە رووژیگ وەرجە خوەی لەناوچەیل ناوڕاس و باکوور، و لە ناوچەیل باشوور داوەزین وەخوەی دوینێد وەچەو تووماریل رووژیگ وەرجە خوەی".
لە بەیاننامەگە وتیش، " رووژ چوارشەممە لەناوچەیل ناوڕاس و باشوور رووشنە وەگەرد بڕیگ لەکە ئەور، و ئاسمان لە ناوچەیل باکوور نیمەئەورە وەگەردیا دەرفەت واران وارین هەس لە بەشە جیاوازەیل باکوور، لە گشت وڵاتەگە پلەی گەرمی نزیکە لە توومارەیل رووژیگ وەرجە خوەی".