شەفەق نیوز/ کەشناس عراقی سادق عەتیە، ئمڕوو پەنجشەممە، وت؛ کەشوهەوای ئمڕوو پەنجشەممە و سوو جومعە جیگیرە لە فرەیگ لە شارەیل بیجگە لە شارەیل باکوور کە کەشوهەوا نیمەئەور یان ئەور تەواویگە.
لە پیشبینیەیلی کە لەبان تووڕ کۆمەڵایەتی نویسایەسێ دیاریکرد، ئمڕوو پەنجشەممە دەرفەت واران وارین هەس لە موسڵ ودهۆک و هەولێر سوو جومعە سلێمانی و کەرکوکیش گرێدەو، وتیش دەرفەت واران رفتیگ لە دهۆک و باکوور هەولێر و سلێمانی هەس.
وتیش، لەبان بەرزایەگان وەفر وارێد و پلەی گەرمی داوەزین وەخوەی دوینێد رووژ شەممە کەشوهەوا جیگیرەوبوود.
دیاریکرد مەودای نووڕستن لە شەوەکی پەنجشەممە کەمەوبوود لەوەر تەم کە بڕیگ ناوچەیل نەینەوا و هەولێر و خوەرهەڵات ئەنبار و سلێمانی گرێدەو.
شەوەکی سوو جومعە، باشوور بەغدا و بڕیگ لەناوچەیل نەجەف و کەربەلا و بابل شەپوول تەم گرێدێ.