شەفەق نیوز/ عراق توەنست مقیەتی لە چواردەهەم خوەی بکەێد لە وەکارهاوردن "تیک تۆک" کە هەمان ئەو پلە تا ناوڕاس ساڵ 2022 توومارکردیە، باوجی شمارەی وەکارهاوەرەیلی ئەرا نزیکەی 60% زیایکردیە.
وەپای ئاماریگ لە ماڵپەڕ ستایستا، ئەمریکا وە ١٤٨.٩ ملیۆن وەکارهاوەر لە پلەی یەکەم هات و ئەندەنوسیا وە ١٢٦.٨ ملیۆن وەکارهاوەر لە پلەی دویەم، لە دویای ئەویش بەڕازیل، مەکسیک، ڤێتنام و ڕووسیا تێن، کە رووسیا لە ساڵ ٢٠٢٤ ئەرا پلەی شەشەم داوەزی، لە کە تا ناوڕاس ساڵ ٢٠٢٢ وەرجە مەکسیک و ڤێتنام بوی لە پلەی چوارەم.
عراق لە روی شمارەی وەکارهاوەرەیل تیک تۆک لە پلەی سێیەم جەهان عەرەبیە لە دویای سعودیە و میسر.
وەپای دویاین ئامار تا مانگ یەک ٢٠٢٤ شمارەی وەکارهاوەرەیل ئینتەرنیت لە عراق ٣٦.٢ ملیۆن وەکارهێنەرە ، لەوەرانوەر ٣٢ ملیۆن وەکارهاوەر ئەپڵیکەیشن “تیک تۆک” لە عراق هەس، واتە ٨٨٪ وەکارهاوەر ئینتەرنێت هەشمار تیک تۆک دیرێد، کە نزیکەی ٪٧٥ی دانیشتوان عراق هەشمار تیک تۆک دیرێد.