شەفەق نیوز/ سادق عەتیە، شارەزای کەشناسی، ئمڕوو پەنجشەممە، پیشبینی کرد لە رووژەیل جومعە و شەممە واران سوکیگ وارێد لە شارەیل باشوور عراق، وەگەرد ئاڵشتبوین لە تونیەگەی شوین وارینەگە لەوەر پسای لەناکاوی تاوسانە. 

سادق عەتیە لە پۆستیگ لەبان پەرەی تایبەت خوەی لە تووڕ فەیسبوک ک ئاژانس شەفەق نیوز وەدویاچگن ئەرای کردیە راگەیان، " جویلەی ئەورەیلە لە شەوەکی پەنجشەممە، لە خوەرهەڵاتەو وە رێرەو ئیستوائی چوود، ک کاریگەری لەبان واران رفتیگ دیرێد لە دورگەی ئەرەو و وڵاتەیل خەلیج. 

وتیش؛ " وای باشوور خوەرهەڵات جیگیر و چامدارە، ئەورەیل لە وەختەیل ئایندە فرەترەو بوون لە کەشوهەوای شارەیل باشوور عراق، و پیشبینی واران سوکیگ کریەێد  لە شەو و رووژ جومعە و رووژ شەممە لە شوینە جیاوازەیل،  وەگەردیا ئاڵشتکاری بوود لە تونیەگەی و شوین وارینەگەی.

کشناسەگە دیاریکرد، پیشبینی هەس لە شارەیل ئیران هاوسنوور وەگەرد باشوور عراق لە رووژ شەممە رویوەروی واران رفتیگ بوود.