شەفەق نیوز/ پیشبینیکەر کەشوهەوا سادق عەتییە، ئمڕوو چوارشەممە، راگەیان واران چەوەرێکریای لە عراق ڕێژەگەی خوار ڕێژەی ساڵانە بۊیە لەهەمان وەخت ئومید لە مانگ ئایندە خاسترەو بوود.
عەتییە لە تووڕ کۆمەڵایەتی "فەیسبوک" ئمڕوو وت: هەرچەنە لە وەرز زمسان نزیک بۊیمنە، پلەی گەرمی ئاڵشتکردن وەسەری نەهاتییە، کەش و هەوا لە ساعاتەێل شەو و شەفەق سەردە، مامناوەنە لە ماوەی ساعات نیمەڕوو.
وتیش؛ دۊیا شەپۆل واران کەمیگ لە کۆتایی هەفتەی ئی مانگە تێد. باسکرد سەرتای دەسکردن وە زمسان وە خاسی دەسوەپی ناکەێد، واران لە ئاست گشتی ساڵانە کەمتر وارێد.
پسپۆر کەش و هەوا ناسەگە وتیش؛ چەوەری کرێد لە دوکوت دۊیەم مانگ 12 خاسترەو بوود ئەگەر ئاڵشتییگ رۊی نەیەد.
عەتیە لە پیشبینیگ ئەرا سێ رووژ ئایندە وت: پسای کەش و هەوا لاوازیگ رۊی کەێدە ناوچەێل جیاواز لە شارەێل و ناوراس و باشوور وڵاتەگە و بڕیگ لە ناوچەێل فوڕات ناوڕاس.
وتیش، کەش و هەوا تا رادەیگ ئەوری بوود، لە شەو پنجشەممە چەوەری سوکە وارانیگ کرێد، شەوەکی جومعە کاریگەری کەفێدە چەن ناوچەیگ، لەوانەس لە شەو پەنجشەممە لە ناوچەێل بەغدا واران بوارد.