شەفەق نیوز/ شانەی راگەیانن ئەمنی ئمڕوو شەممە، خەوەردا هویچ سەرپیچیگ ئەمنی لە بنکەیل دەنگدان توومارنەکریاگە لەماوەی پرۆسەی دەنگدان تایبەت وە هەڵوژاردنەیل ئەنجومەن پارێزگایەیل و قەزاگان ئەرا ساڵ 2023.
قسەکەر شانەگە عەمید موقداد میری لە کۆنگرەیگ رووژنامەوانی کە ئمڕوو لەناو بنکەی راگەیانن ئەمنی لە بەغدا رێکخریابوی راگەیان، "ئەرکەیلە وەپای ئەوەگ دانریاوێد وەڕیوەچی، هویچ سەرپیچیگ توومارنەکریا"، وتیش "پیلانەگە وە گشت ئارامیگ وەریوەچی، پرۆسەی هامچووکردن فرە سروشتیە، پیشوازیکردن گەپیگ هەس وەلایەن هێزە ئەمنی دەنگدەرەیل".
وتیش، ریکارەیل کۆمسیۆنە وە خێرایی وەریوە چیە، هویچ دویاکەفتنیگ نەویە، لەهەمان وەخت رەدیکرد بنکەی دەنگدانیگ لە بەغدای پایتەخت لەری نارنجەکیگ وە ئامانج گیریاوێد.