وێستگەی پلاسەرڤیل لە ویلایەت کالیفۆرنیای ئەمریکا خشتەی 15 ناوچە و شار جەهانی بڵاو کرد کە بەرزترین پلەی گەرمی لە جەهان توومارکردنە لە ماوەی 24 ساعەت گوزەشتە.

لە خشتەگە هاتیە کە شاری ئومیدیە لە ئیران بەرزترین پلەی گەرمی لە جەهان توومار کردگە، کە 51 پلەی سەدییە، لە پلەی دویەم عەمارە لە عراق، وە 50 پلەی سەدی، لە پلەی سێیەمیش “عەرەفات” لە سعودیە، وە 50 پلەی سەدی، ئیجا شار “ناسریە” لە عراق پلەی چوارەم وەدەس هاورد وە پلەی گەرمی 50 پلەی سەدی، و شار “بەسرە الحسێن” لە عراق کەفتە پلەی پەنجەم وە  49.5 پلەی سەدی.

وەگورەی خشتەگە، شار “کەربەلا” لە عراق لە پلەی شەشەم هات وە پلەی گەرمی 49.5 پلەی سەدی، و شار “عەبادان” لە ئیران پلەی هەفتەم هاورد وە پلەی گەرمی 49.4 پلەی سەدی، ئیجا شار نەجەف لە عراق لە پلەی هەشتەم وە پلەی گەرمی 49.2، و شاری سەفی ئاباد دیزەفول لە ئران لەپلەی نوهەم  وە پلەی گەرمی 49.1 پلەی سەدی.

ناوچەی "مینا" لە سعودیە لەپلەی دەهەم هات وە پلەی گەرمی 49 پلەی سیلیزی، لە دویای ئەویش شار "فاو" لە عراق لە پلەی 11ی وە 48.9 پلەی سەدی، ئیجا شار "سەماوە" لە عراق لە پلەی 12 وە پلەی گەرمی 48.9 پلەی سەدی، و ناوچەی "رغاعی" لە عراق کەفتە پلەی 12 وە 48.9 پلەی سەدی، و ناوچەی “فڕۆکەخانەی ناودەوڵەتی بەسرە” لە عراق اە پلەی ١٤ وە پلەی گەرمی ٤٨.٧ پلەی سەدی، دویاتر ناوچەی “بەدرە” لە عراق لە پلەی کۆتایی وە پلەی گەرمی ٤٨.٦ پلەی سەدی.

 ئاژانس شەفەق نیوز خشتەی گەرمترین ناوچەیل جەهان بڵاو کەێد: