شەفەق نيوز/ سەرچەوەیگ ئەمنی، ئمڕوو دووشەممە، خەوەردا لە توومارکردن زیاتر لە ٣٠ رویداو هاتوچو لە ناوچەیلیگ جیاجیا وە ماوەی ٩ رووژ لە عراق، و باس کوشیان و زەخمداری ٢٧٣ کەس کرد ک بیگانەیش هاناویان.
سەرچەوەگە ئەرا ئاژانس شەفەق نیوز وت: دەسەڵاتەیل هاتوچو ٣٢ رویداو هاتوچو لە ماوەی ١٠ی ئەیلوول تا ئمڕوو دووشەممە توومار کردن.
سەرچەوەگە دیاری کرد ک رویداوەیل گیان ٣٢ کەس رفانن و ٢٤١ کەسیش زەخمدار کردن، وتیش: لەناو مردن و زەخمدارەیل رەگەزنامەی ئیرانی و بیگانە هەس لە چلەی ئیمام حسێن بەشداری کردنە.
وەڕێەوبەرایەتی هاتوچو عراق باس هووکارەیل بەرزەوبوین ریژەی رویداوەیل هاتوچو لە رووژەیل زیارەت چلە لەوەر پابەندنەوین رانندەیل وە رینمایل هاتوچو بویە، تایبەت تونی رانین، و رۆنگساید، یا دەسکاری مۆبایل مەوقەی راندەیی.
عراق وەماوەی دوو هەفتەی گوزەشتە، هاتن هەزاران لە زیارەتکارەیل لە پارێزگایل عراق و دەوڵەتەیل ئیسلامی وەرەو کەربەلا وەخوەی دی، ئەرا زیارەت چلەی ئیمام حسێن، باوجی ئی زیارەتە بەرزەوبوین وەرچەوەیگ لە رویداوەیل هاتوچو وەخوەی دی، ک دەیان قوربانی و زەخمدارلەلیان بویەو.