شەفەق نیوز/ محمد شیاع سودانی سەرۆک وەزیرەیل عراق، سوو سێشەممە، سەردان هەرێم کوردستان کەێد، تا وەگەرد وەرپرسەیل کوردستانی گردەو بوود.
وەفا محمد ئەندام پارت دیموکرات کوردستان ئەرا ئاژانس شەفەق نیوز وت: سودانی لە هەولێر چەوی کەفێدە مەسعود بارزانی سەرۆک پارت دیموکرات کوردستان، و نێچیروان بارزانی سەرۆک هەرێم کوردستان، و مەسرور بارزانی سەرۆک حکومەت هەرێم کوردستان، ئیجا سەردان سلێمانی کەێد تا لە دیدار زانکۆی ئەمریکی بەشداری بکەێد.
وتیش: سەردانەگە ئەرا گفتوگۆ لەباوەت رەوشەیل سیاسی و پەیوەندی حکومەت هەرێم کوردستان وەگەرد حکومەت فیدڕاڵ تیەێد، وەتایبەت باوەت نەفت و گاز و سەردان شاندەیل کورد ئەرا بەغداد.